دردشة زهرة سوريا الكتابية

الأحكام و الأعراف العامة

بالاضافة ل اتفاقية الاستخدام الخاصة بشبكة زهرة سوريا يوجد قوانين أضافية ملزمة ضمن الدردشة

خيو عاد هي شويّة قوانين منحب نمشي عليّا كلياتنا - مدراء - مشرفين -اعضاء(يوزرات)

يعني فينك تقول هالحكي بيسري عليك كـ عضو و كـ مشرف مع بعض الفروق غير الجوهرية .

منبدا مع اليوزرات أو الأعضاء :

1 - منفضّل بدردشة شبكة زهرة سوريا الأسماء ذات المعنى المحبب الواضح .. أما الاسم غير الواضح أو المبهم أو المسيء مثلاً "xxx" اي معليش نحنا ما فاتحين لا شركة ألبسة و لا يحزنون .. ف هي أول باشتان .. إذا كان الاسم مسيء أو مبهم - غير واضح المعنى - ف مصير صاحبه الإبعاد ..

2 - تاني باشتان واضح و ما بدو خمسة يشرحو .. ايميلات و أرقام هاتف عـ العام ممنوع .. و للتوضيح .. عند النشر لأول مرة ينبّه الناشر .. و من ثّم يعاقب بالإبعاد لمدة يوم ..

3 - باعتبار عم نحكي عن النشر .. ف مننهي هالموضوع .. نشر المواقع عالعام ممنوع ..و يعاقب ناشر الموقع بالإبعاد لمدة أسبوع .. طبعاً في مواقع بينطبق عليّا قاعدة مستثنى بإلا مثلاً " Google .. msn " و ما إلى ذلك ..

4 - التكرار .. غير محبّب و غير مستظرف وممنوع... لذا و يؤسفني أقلك .. تكرار أي جملة أكثر من مرتين يعرض صاحبها للتنبيه ثم للطرد لمدة أسبوع ..

5 - قبل ما تقعد تدوّر ع مشرف . و يا مشرف فلان عم يسبني عـ الخاص .. في جنب اسموه قفل لونو دهبي قفول عليه ما بتعود بتشوف حكيوه ..

6 - ممنوع .. ممنوع .. ممنوع ... ممنوع منعاً باتاً الفوتة بالسياسة مؤيداً أو معارضاً .. و كذلك الأمر بالنسبة للمواضيع الدينية .. حيث أننا نرفض رفضاً قاطعا ًتحويل الشات لشات دعوّي أو تبشيري أو أيا ًكانت التسمية ..

7 - آخيراً لما شي مشرف بيأبعدك و انت متأكد من كونك بريء .. منتمنّا تحتفظ بنسخة من نص المحادثة .. و تراسلنا عبر الزر راسلنا من صفحة الموقع الرئيسية ..

نتابع مع المشرفين :

أكيد و بدون شك بينطبق على مشرفيناكل شي بينطبق عـ يوزراتنا .. بس في كم إضافة رئيسية ..

عطيني من وقتك خمس دقايق يا سيادة المشرف و قراها بتمعن مشان تعرف كيف تتصرف و ما تسوّي مشاكل ..

1 - لمّا مشرف ما بيأبعد يوزر ما - لو كان صاحبك - .. اي ما بحقلك تسأل مين المشرف اللي أبعد .. يعني مثلاً

| مشرف 1 | : مين أبعد ينط لعندي عـالخاص ..

| مشرف 2 | : لا حدا يبعد ..

اي سمحلي قلك ما شغلك .. استخدم أيقونة راسلنا لمراسلة الإدارة إذا شفت الإبعاد فيّو غلط ..

2 - لمّا بتأبعد أحد الأعضاء و بفوت هالعضو بغير اسم أو اسمو .. و بيسأل مين أبعدوه يفضل تبينلوه باللين و بالحسنى .. أو حدا من المشرفين المتواجدين يقلو استخدم أيقونة راسلنا ..

3 - (لايحق لأي مشرف ايا كان استخاف اشرافه لأغراض شخصية..او تسلية(مثلا تنبيه لصاحبه اوما شابه (كترحيب او.طلب منه انو يتنبه والخ,,

4 - تطلب عليك كـ مشرف اختيار باسورد ملائم يجمع الصفتين الصعوبة و الطول .. و يحظر عليك اعطاء باسوردك لأي شخص كان .. وعدم اعطاء رابط صفحته لأيا كان

آخيـــــــــــــــــــــــــــــــــــــراً ..

لليوزرات و للمشرفين .. الزلوميات بلاها .. كل الناس خير و بركة .. و اللي جايي يتزولم عنا ما بدنا يا .. يروح تزولم بغير مواقع عنا ما في زولمة .

بقا يا حبيب إذا الحكي اللي فوق ما عجبك .. فبدي أقلك شغلة بتعيفا بيني و بينك ..

أحـــــــــــط ..

كلمات تدل على دردشة موقعنا
دردشة - كتابية - دردشة سورية - دردشة سوريا - سوريا شات - شات سوريا - شات فور سوريا - هاي شات - شات السويدا - دلع سوريا- شات فور سيريا - دردشة السوريين - شات - دردشة كتابية - دردشة راقية - دردشة عربية - حبيبتي - شات العرب - شات فور اول - سيريا روم - لايت سي - سوريا روم - شاميات - سيريا روم - قيس الشيخ نجيب - شهد برمدا - مواقع دردشة سورية